Annwyd a’r Ffliw – Amddiffyn eich hun ac eraill

Mae’r rhan fwyaf o bobl yn gwybod pa mor hawdd yw hi i roi annwyd neu’r ffliw i rywun arall drwy besychu a thisian, felly mae’n bwysig cymryd camau hylendid syml fel defnyddio hances bapur i guddio’ch trwyn a’ch ceg wrth besychu/tisian, a golchi’ch dwylo gyda sebon a dwr.

Ffliw Tymhorol Dros y 2 flynedd diwethaf, mae'n bosibl eich bod wedi clywed llawer am wahanol fathau o firysau ffliw, ffliw moch a'r brechiadau sydd ar gael.  Mae'r wybodaeth ganlynol yn nodi'r ffeithiau pwysig i chi.

Beth yw symptomau cyffredin ffliw tymhorol?     Mae’r symptomau yn waeth na symptomau annwyd fel arfer ac yn cynnwys gwres, oerni, cur pen a blinder eithafol, cyhyrau’n brifo.   A fydd gwrthfiotigau’n helpu? Na fydd. Firws ac nid bacteria yw’r ffliw, felly ni fydd gwrthfiotigau’n gallu ei drin. Pa niwed all ffliw tymhorol ei achosi ? ·         Os ydych yn heini ac iach, mae’n bosibl na fydd y symptomau yn rhy ddifrifol ·         Os oes gennych broblem iechyd hirdymor, gall ffliw ei wneud yn waeth ·         Mae’n gallu arwain at salwch difrifol fel broncitis a niwmonia a hyd yn oed cyfnod   yn yr ysbyty  ·        Mae pobl yn marw o effeithiau’r ffliw bob blwyddyn. Beth yw’r brechiad rhag y ffliw tymhorol? ·        Bydd yn helpu’ch corff i wneud gwrthgyrff i’ch amddiffyn rhag y ffliw ·        NI fydd yn rhoi’r ffliw i chi gan nad yw’n cynnwys firws byw ·        Cynhyrchir brechiadau newydd bob blwyddyn wrth i’r firysau newid ·        Bydd brechiad 2010 yn amddiffyn pobl rhag firws y ffliw moch yn ogystal â dau fath o ffliw tymhorol disgwyliedig arall.   Pryd fydda i’n cael y brechiad? ·        Mae’r brechiad rhag y ffliw tymhorol ar gael AM DDIM i bobl dros 65 oed neu’r rhai sydd â chyflwr hirdymor – cliciwch yma i weld os ydych chi’n gymwys ·        Os ydych chi’n gofalu am unigolyn hyn neu anabl, dylech gael y brechiad er mwyn amddiffyn y rhai sydd o dan eich gofal ·        Fel arfer mae’r brechiad ar gael o fis Hydref ymlaen, a gofynnir i bractisau meddygon teulu wahodd pob claf cymwys i gael y brechiad. Os nad ydych wedi clywed gan eich meddygfa, dylech siarad gyda rhywun yno gan fod modd cael y brechiad unrhyw bryd yn ystod y gaeaf. A yw pawb yn gallu cael y brechiad? ·        Nid yw pobl sy’n adweithio’n ddifrifol i’r brechiad rhag y ffliw neu sydd ag alergedd difrifol i wyau ieir yn gallu cael y brechiad fel arfer.

I lawrlwytho copi o daflen ‘Y ffliw tymhorol – amddiffyn eich hun ac eraill’ a gynhyrchwyd gan Lywodraeth Cynulliad Cymru a GIG Cymru cliciwch yma