Cadw'n Ddiogel

Paratoi ar gyfer y gaeaf

Mae hyn yn arbennig o bwysig yn y gaeaf. Bydd eich gwasanaeth Tân ac Achub lleol yn cynnal archwiliad diogelwch tân am ddim yn eich cartref, ac yn gosod larymau tân i chi os nad oes rhai gennych eisoes. Ffoniwch nhw ar 0800 169 1234.   Cynghorion craff: Os oes gennych danau agored, gwnewch yn siwˆr eu bod wedi’u hawyru’n iawn. Defnyddiwch giard diogelwch a pheidiwch â gosod eich golch yn agos i fflamau’r tân. Os ydych yn defnyddio tân neu wresogydd yn eich ystafell wely yn y nos, gwnewch yn siwˆr fod ffenestr neu ddrws ar agor. Dilynwch y cyfarwyddiadau wrth ddefnyddio’ch blanced drydan a gwnewch yn siwˆr ei bod yn cael ei phrofi bob tair blynedd. Peidiwch byth â defnyddio blanced drydan a photel dwr poeth ar yr un pryd. Cliciwch fan hyn i lawr lwytho 'Diogelwch Rhag Tân yn y Cartref', taflen ddefnyddiol a gynhyrchwyd gan Fflach Tân sy’n hyrwyddo diogelwch tân yng Nghymru.

  Carbon monocsid   

Os yw offer gwresogi a choginio sy’n rhedeg ar danwyddau ffosil (nwy, olew, glo neu bren) yn cael ei osod yn anghywir, ei gynnal yn anaml neu heb ei awyru’n ddigonol, gall ryddhau carbon monocsid – nwy gwenwynig na ellir ei weld na’i arogli. Mae nwy carbon monocsid yn lladd mwy na 50 o bobl y flwyddyn yng Nghymru a Lloegr. Gall lefelau isel o garbon monoxsid achosi niwed difrifol i’ch iechyd os byddwch yn ei anadlu i mewn dros gyfnod hir.   Cynghorion craff: Gwnewch yn siwr fod peirianydd cofrestredig, dibynadwy sydd wedi cael hyfforddiant addas yn gwasanaethu eich offer gwresogi a choginio, ffliwiau a simneiau o leiaf unwaith y flwyddyn. Gosodwch larwm carbon monocsid y gallwch ei glywed sy’n bodloni Safon Ewropeaidd EN50291. Gwnewch yn siwˆr fod yr ystafelloedd wedi’u hawyru’n dda pan fyddwch yn defnyddio’r offer a rhowch y gorau i ddefnyddio offer os rydych chi’n meddwl y gallai fod yn rhyddhau nwy carbon monocsid. Os ydych yn dioddef o symptomau sy’n teimlo fel gwenwyn bwyd, heintiau feirysol, ffliw neu flinder mawr ac yn meddwl y gallai carbon monocsid fod wedi’u hachosi, ewch i weld eich meddyg ar unwaith a dywedwch eich bod yn meddwl i chi gael eich gwenwyno gan garbon monocsid.        Cliciwch fan hyn i lawr lwytho Allwch chi mo’i arogli, allwch chi mo’i weld ond gall eich lladd!

 

Ewch i Ymwybyddiaeth o Carbon Monocsid

'Gallwch am Gymorth'

Canllaw ar gyfer cysylltu â sefydliadau mewn argyfwng neu ofyn am gymorth arall yw Galwch am gymorth. Mae’r canllaw yn cynnwys rhifau ffôn cyswllt y gwasanaethau trydan, nwy a dwr, yn ogystal â gwybodaeth am lifogydd a chyngor cyffredinol gan Age Cymru. Cliciwch yma i lawrlwytho’r canllaw hwn

 Bod yn Gymydog Da

Cadwch lygad am unrhyw bobl hyn a all fod angen cymorth yn ystod y tywydd oer. Rhowch wybod i rywun os byddwch angen cymorth i adael y ty ar eich pen eich hunain.