Cymraeg
 

 Cadw'n Heini

Yn y gaeaf, mae’n demtasiwn i aros gartref y rhan fwyaf o amser, ond mae mynd allan, cyfarfod â phobl eraill a chymryd rhan mewn rhyw fath o weithgaredd yn helpu pobl i gadw’n heini ac yn codi eu calonnau.

 
Beth bynnag fo'ch oedran, mae gweithgarwch corfforol rheolaidd, diogel a difyr yn rhan hanfodol o fyw'n iach, gan ei fod yn eich helpu i fod yn annibynnol ac i gadw symud.

 

 

  • Fwy o egni
  • Mwy o stamina
  • Cyhyrau cryfach a mwy cadarn
  • Ystum corff gwell
  • Mwy o hyder
  • Siâp ac ymddangosiad gwell
Cofiwch:
  • Does dim rhaid i chi adael eich cartref i wneud ymarfer - Mae yna ddigon o weithgareddau y gallwch eu gwneud yn y ty a'r tu allan a allai fod yn gyfle i chi ymarfer.
  • Does dim rhaid i chi fod yn ffit cyn dechrau - Os nad ydych chi'n gwneud llawer o ymarfer corff ar hyn o bryd, mae'n bwysig cynyddu eich lefel gweithgarwch yn raddol. Trwy wneud hynny, bydd eich corff yn raddol yn dechrau dod i arfer â bod yn fwy heini, a byddwch yn llai tebygol o beri straen i unrhyw gyhyrau.
  • Does dim rhaid i chi neilltuo llawer o amser i ymarfer- Gallwch gyflwyno'r ymarfer corff yn ddigon hawdd i'ch bywyd o ddydd i ddydd. Gallwch gerdded yn sionc i'r siopau yn hytrach na defnyddio'r car.
  • Does dim rhaid i chi fod yn ifanc - 'Dyw hi byth yn rhy hwyr i ddechrau gweithgarwch newydd. Gallwch elwa'n fawr o weithgarwch corfforol, oherwydd bydd gennych yr amser a'r rhyddid i fwynhau pob math o wahanol ddiddordebau.
Adnoddau Lleol:
 
Am ragor o wybodaeth am y cyfleusterau/dosbarthiadau sydd ar gael yn eich ardal, cysylltwch â'r canlynol:
  • Cerdded Nordig- Mae Age Cymru yn cynnal rhaglenni Cerdded Nordig ledled Cymru. Age Cymru 029 20431 555 neu cliciwch yma
  • Canolfannau hamdden a phyllau nofio - byddant wedi'u rhestru yn eich llyfr ffôn lleol o dan enw'r cyngor. Mae llawer yn rhedeg rhaglenni arbennig ar gyfer pobl hyn neu mae ganddynt gyfleusterau ar gyfer grwpiau sydd am drefnu'u gweithgareddau eu hunain. Mae prisiau arbennig hefyd ar gael fel arfer.
  • Swyddfa addysg eich awdurdod lleol - Byddant hefyd wedi'u rhestru yn y llyfr ffôn o dan enw'r cyngor. Maent yn darparu dewis eang o ddosbarthiadau addysg i oedolion, a gynhelir yn ystod y dydd neu fin nos. Cynigir prisiau gostyngol i bensiynwyr fel arfer ond weithiau mae'n rhaid i chi ofyn.
  • Llyfrgell - Gofynnwch a allan nhw roi enwau a chyfeiriadau cysylltiadau ar gyfer clybiau a chymdeithasau lleol, megis clybiau seiclo, neu gyrsiau cadw'n heini a gynhelir gan fudiadau annibynnol.
  • Gofal Henoed - Am fanylion pellach am ymarfer i bobl hyn, cysylltwch â Llinell Wybodaeth Gofal Henoed ar 0800 00 99 66 am gopi o'u taflen ffeithiau, “Staying Healthy in Later Life” (Saesneg yn unig).
Neu am ragor o wybodaeth ar gadw'n heini, ewch i:
 
Cofiwch wneud eich gorau i barhau i ymarfer yn ystod y gaeaf fel rydych chi weddill y flwyddyn. Ond peidiwch â mentro mewn tywydd oer neu rewllyd.